خيانة !!
سلام عليكم
لما يبقي في حاجة مستخبية و مع ذلك الاحداث تمشي طبيعي … تبقي دي خيانة !
لما كل اللي حوليك يبقي عارفين سر و مكتمين عليه بقالهم يومين وانت الوحيد اللي مش عارف … تبقي دي خيانة !!
بس بصراحة … أجمل خيانة فالدنيا
دة كان عيد ميلادي ال20 … معتقدش فيوم اني هقدر انساه … و دول هم الخونة :
خلصنا امتحان و السنة خلصت… بس المزاج مكنش قد كدة !! … طلعنا علي كوك دوور … و انا قاعد فامان الله مستني سندوتش الجمبري يجي 
!!
فجأة تلاقي ناس مكنتش اتخيل ابدا اني اشوفهم فاللحظة دي … “محمد فتحي ” انتيمي من عشرتاشر سنة كدة و لا حاجة … بجد كانت مفجأة جاااامدة !!
حسيت ان فيه حاجة مش مظبوطة … بس بردو مكنتش مدي خوانة اوي 
خلصت الجمبري :p … و رحرت اغسل ايدي زي الناس الطبيعيين !
بس لما رجعت … مكنش فيه حاجة طبيعية … كوك دوور مقلوب … و العيال هايصين و تورتة محطوطة و هييييييصة ….
اااااااه يا ولاااااااااااد ال ….. لتاااااااااااااني مرة يتعمل فيي الموضوع دة !!!
كانت مفجأة صعبة شوية … قعدت اخد نفسي و بعدها بدات اجمع اللي حصل !
اااه … يعني لما عاطف و حاتم اختفو بعد الامتحان مكنوش فمشوار و لا حاجة … دول كانو بيجيبو التورتة !!!
لما فؤاد ينزل الكلية و هو اصلا معندوش امتحانات ولا حاجة … تبقي دي مش صدفة !
لما ناجي يقابلني الصبح و يقولي” كل سنة و انت طيب يا حمدي “ … تبقي دي غلطة مطبعية
وغيرها من الافلام و الحركات والتليفونات الغريبة اللي حصلت …و اللي لسة بجمعها
بس …………………….. قطعنا التورتة و نسفناها طبعا !!
طبعا اتذلييييييييييييييييييييت علي ما طلعت الهدية … مفيش حاجة بتيجي بالساهل !!
ودة كاسيت زقزوقة الجديد
شكرا جدا يا شباب … لا موبايل فالعربية بعد اليوم !!
واخيرا … عايز اشكر اتنين كان ليهم دور عظبم جدا فاليوم دة :
1- فكري باشا … اللي كلو كان خايف منه ليقع بلسانة و يستخدم ذكاءة كالعادة … انا اصلا كنت مطمن طالما هو مسقطش حااجة
2- اظرف و الطف و اخف انسااان فالدنيا … حبيبي و الله يا تاح … دة اللي كان بيعطلني و انا فالحمام بغسل ايدي … قال اية ” كان بيهزر معايا ” 
والله يا شباب انا فعلا مكنتش عارف اقول ايه وقتها و لسة معرفش اية اللي ممكن يتقال … بس كل اللي اعرف اقوله دلوقت … شكرا جدا و كل سنة و احنا مع بعض دايما
وفعلا اليوم دة اكيد مش هقدر انساه !
علي فكرة الفيديو جاااااامد جدا … بس كبيير اوي !
سلام
يا حمدي باشا انت تستاهل كتر من كده
بجد والله..
كل سنة وانت طيب كمان مرة..
ويارب تكون أيامك كلها نجاح وسعادة..
ونبقى كلنا متجمعين ان شاء الله
……………….
لا..بسكان يوم جامد
Kol Sana wenta tayeb ya Hamdy
w3o2bal 100 sana
I wish I could be there
كل سنة و انت طيب يا ابو حمدى و عقبال ما (تعزمنا ) على فرحك !!
ٍSalam 3lykom
W2nto taybeeen ya Shbab
akeed ya Diaf , m3tkdsh el Fara7 hib2a mofg2a
Salam
kol sana wenta tayeb ya 7amdy
we 3o2bal lama el emte7nat tetlagha we yb2a your BDay
faddy we bera7tak